Fréttir og tilkynningar

Skilmur

Áhald það sem er á myndinni hér til hliðar nefnist skilma, tréfiskur með blýi á endanum og var notuð við landnótaveiðar á síld. Þá gengu síldartorfurnar oft mjög nálægt landi. Nótin var þá  fest í annan endann í landi og farið með hinn endann á bát og kastað fyrir torfuna og tekinn bugur um síldartorfuna og farið í land með djúpendann. Þá var síldin komin í svokallaðan "lás", blýteinninn í nótinni lá við botninn og korkteinninn á yfirborðinu og komst því síldin ekki út. Skilman gegndi því hlutverki tálbeitu til að halda síldinni inni í nótinni meðan verið var að draga hana að landi, var henni þá kastað fyrir síldina og síðan dregin að landi, og elti þá síldin skilmuna. Í lásnum var síldin oft geymd í marga daga og var tekið úr lásnum smátt og smátt með svokallaðri "úrkastnót". Smásíldin var aðallega notuð í beitu. 

Gestur frá Vigur, Hermóður úr Ögurvík og Gunnar Sigurðsson. Ljósm: Halldór Sveinbjörnsson.

Eljan frá Nesi. Ljósm: Halldór Sveinbjörnsson.

Jóhanna frá Dynjanda. Ljósm: Halldór Sveinbjörnsson.

Hermóður úr Ögurvík. Ljósm: Halldór Sveinbjörnsson.

Gunnar Sigurðsson frá Ísafirði. Ljósm: Halldór Sveinbjörnsson.

Gestur frá Vigur. Ljósm: Halldór Sveinbjörnsson.

Fimm fríðir. Ljósm: Halldór Sveinbjörnsson.

« 1 af 7 »

Halldór Sveinbjörnsson ljósmyndari var á hafnarkantinum um daginn og tók frábærar myndir af bátaflotanum okkar. Þetta eru falleg fley.

Í gær efndi Byggðasafnið til siglingar um Pollinn á Ísafirði á þeim bátum safnsins sem sjófærir eru. Það voru Þeir Gestur frá Vigur, Jóhanna frá Dynjanda, Hermóður frá Ögurvík, Eljan frá Nesi og Gunnar Sigurðsson frá Ísafirði. Elsti báturinn er frá 1906 og sá yngsti frá 1974. Smalað var saman trillukörlum til að sigla fleyunum og sigldu bátarnir um Pollinn nokkra stund. Jóhannes Jónsson kvikmyndatökumaður var um borð og tók þessar myndir.  Smellið á hlekkinn hér fyrir neðan og lítið á ...

http://www.ruv.is/sarpurinn/frettir/19092013/siglt-um-pollinn-a-isafirdi