NÝJUSTU MYNDIRNAR
Fréttir og tilkynningar
Litabókin Neðstikaupstaður
Jóna Símonía Bjarnadóttir
miðvikudagurinn 9. desember 2020
Safnið hefur látið gera lita- og þrautabók með myndum úr safninu og af safnasvæðinu hér í Neðstakaupstað. Við fengum hana Marsibil Kristjánsdóttur listakonu á Þingeyri til að gera myndirnar. Bókin er til sölu á safninu og kostar 1500kr. Hægt er að koma við á skrifstofunni hér í Neðstakaupstað eða senda okkur tölvupóst á byggdasafn@isafjordur.is - við erum líka á fésbókinni.
Sólþurrkaður saltfiskur
Jóna Símonía Bjarnadóttir
mánudagurinn 9. nóvember 2020
Við minnum á að hjá safninu er hægt að kaupa sólþurrkaðan saltfisk sem breiddur var á reitinn okkar hér í Neðsta í sumar. Hjá okkur er líka hægt að kaupa bókina Veislurnar í Neðsta. Í henni er að finna fjölda uppskrifta úr saltfiskveislum safnsins sem og ýmsan fróðleik í máli og myndum um saltfiskverkun hér vestra. Bókinni fylgir geisladiskurinn Ball í Tjöruhúsinu þar sem saltfisksveit Villa Valla spilar seiðandi tónlist í takt við eldamennskuna.
Munir og myndir -september
Finney Rakel Árnadóttir
þriðjudagurinn 15. september 2020
Við tiltekt finnst ýmislegt áhugavert. Hæðarmælir þessi var í notkun hjá tæknideild Ísafjarðarkaupstaðar. Mælirinn kemur frá verslun Kaj Bruun sem staðsett var á Laugavegi 2 í Reykjavík. Bruun var fyrsti sjóntækjafræðingurinn sem fluttist hingað til lands árið 1923. Áður fyrr hafði slík kunnátta og aðgengi að búnaði verið lítil sem engin. Skemmtilegur pistill fylgir myndunum af mælinum en sá pistill er tekin úr Fálkanum, 21.tölublaði 27.05.1933 þar sem minnst er á að 10 ár eru síðan Kaj Bruun kom til landsins og að vera hans hér á landi hafi haft töluverð áhrif á sjóngæði Íslendinga sem og þeirra fræðinga sem nýttu sér mælingatækni við störf sín og verk.
